ROONEY HANA AKILI YA MPIRA

LONDON, ENGLAND
KIUNGO mtukutu, Joey Barton, amesema
Wayne Rooney si mchezaji wa kiwango cha
Dunia kwa sababu hana akili ya mpira.

Kiungo huyo wa Queens Park Rangers, alisema
akili ya mpira ndicho kitu kinachomfanya
Rooney asing’are na kuwafikia wachezaji makini
kama Cristiano Ronaldo na Lionel Messi.
“Rooney alivyo angeweza kuwa mchezaji bora
wa duniani, lakini unafahamu kwanini Ronaldo
anatwaa Ballon d’Or na si Rooney? Achana na
nidhamu uwanjani, lakini akili ya mpira na
kuukabili mchezo ndicho kitu chenye tatizo kwa
Rooney. Mchezaji anayepaswa kutajwa kuwa na
kiwango cha Dunia ni Ronaldo si Rooney,”
alisema Barton.