TOURE AKIRI KUFANYA MAKOSA

BEKI, Kolo Toure amejikosoa mwenyewe na
kusema alichofanya ni wendawazimu baada ya
kuikosesha Liverpool ushindi kwenye mchezo
wao dhidi ya West Bromwich Albion kwenye
Ligi Kuu England uliomalizika kwa sare ya bao

1-1 juzi Jumapili.
Beki huyo mkongwe wa Ivory Coast alipiga pasi
ya nyuma iliyonaswa na Victor Anichebe,
aliyemchambua kipa Simon Mignolet na
kuifungia West Brom bao la kusawazisha baada
ya Liverpool kutangulia kufunga kupitia Daniel
Sturridge.
Kolo amekiri kutenda kosa kabla ya staa huyo
wa zamani wa Arsenal na Manchester City kudai
anaamini yeye na wenzake watatumia kosa hilo
kama funzo kwenye mechi zao zijazo.
“Ilikuwa pasi mbaya sana,” alisema. “Siku zote
unapaswa kuwa sahihi, lakini mimi nilifanya
uamuzi wa ovyo. Nilipiga pasi mbaya sana.
Sijui kitu gani kilinifanya nipige mpira katikati
ya uwanja, ulikuwa ujinga.”