RAMSEY KUWA MWANAMITINDO

KIUNGO, Aaron Ramsey ameandaa mapema maisha yake mengine nje ya soka baada ya staa huyo kusaini mkataba na kampuni ya kuonyesha mitindo ya mavazi.

Mashabiki wa Arsenal watakuwa na fursa ya kumtazama staa wao kwenye jukwaa la mitindo hapo baadaye tofauti na sasa kuzoeleka kwenye uwanja wa soka.

Baada ya kusaini mkataba na kampuni ya mitindo ya Elite Model, Ramsey alisema: “Nilifuatwa na Elite na hakika wamekuja katika kipindi kizuri sana na hii ni nafasi muhimu kwangu. Nilikuwa nikifikiria kufanya kitu kingine nje ya mchezo wa soka.

“Sawa, soka ndicho kitu changu kikubwa na itabaki kuwa hivyo, lakini si kwamba sitafanya kitu kingine. Hivyo nitapanga muda wangu ili kufanya vitu viwili kwa mara moja kwa sababu sitaki nafasi hii ya Elite inipite.”

Ramsey ameripotiwa atakuwa nje ya uwanja kwa wiki sita baada ya kuumia katika mchezo wa Ligi Kuu England uliofanyika Boxing Day (2013).