SNURA ALALAMIKA VIDEO YAKE KUFUNGIWA

Mwanadada, Snura Mushi, ambaye ni mwigizaji wa filamu 

MWANADADA, Snura Mushi, ambaye ni mwigizaji wa filamu ambaye pia anafanya vizuri katika muziki wa kizazi kipya Bongo, amesikitishwa na uamuzi wa kuifungia video ya wimbo wake wa ‘Nimevurugwa’.

Video hiyo imezuiwa kuonyeshwa katika katika vituo vya televisheni za Bongo na Baraza la Sanaa la Taifa (Basata) kwa maelezo kwamba imekosa maadili.

“Ni video ya kawaida kabisa na nimeicheza mwenyewe na wacheza shoo wangu. Nilifanya hivyo baada ya video yangu ya ‘Majanga’ kulalamikiwa kuwa sikuicheza,” alisema.

“Ni tatizo, inakatisha tamaa. Yaani wasanii wa Tanzania tu ndio tunaangaliwa, lakini video za nje zipo na picha mbaya kabisa ila hatusikii zikifungiwa.”

Snura ambaye nyota yake inang’ara katika filamu na muziki, anasema kuwa pamoja serikali kujaribu kuangalia suala la ajira kwa vijana, bado kuna changamoto nyingi wanazopambana nazo hasa suala la ushindani na kazi.