WASANII WA NOLLYWOOD WENYE KASHFA YA NGONO

Pengine ndoa yake ya hivi karibuni na Alhaji Kehinde Almaroof Oloyede inaweza kumnusuru Funke na kumwondoa kwenye skendo za ngono

MAFANIKIO na umaarufu wa wasanii huja kutokana na umahiri wa kazi pamoja na kipato wanachovuna katika fani wanayoitumikia.

Hata hivyo, siyo lazima umaarufu upatikane kwa njia hiyo, kwani skendo zao mbalimbali kupitia kivuli cha fani, zinaweza kuwa kiini cha kuwapa umaarufu kama ilivyo kwa wasanii hawa wa kike wa Nigeria.

Mercy Johnson

Ni vigumu muda mrefu kupita bila vyombo vya habari kuandika mambo ya mrembo Mercy Johnson. Taarifa zake haziandikwi kwa kuonewa au sivyo inavyotokea, bali amekuwa na tabia ambayo hawezi kukwepa kalamu za waandishi wa habari hata baada ya ndoa yake ya utata na kijana, Odi Okojie, hivi karibuni.

Agosti 27, 2011, Mercy aliviteka vyombo vya habari baada ya kuchapishwa picha zake zikionyesha sehemu kubwa ya mwili wake ukiwa wazi. Katika picha hizo, Mercy anaonekana bila vazi la ndani. Inaonekana alipiga, au kujipiga picha hizo akitaka mwili wake uonekane mtupu.

Ndoa yake pia ilizaa mjadala mnene akituhumiwa ‘kuiba’ mume wa mtu na kwenda kula naye raha. Katika mastaa wa Nollywood, Mercy,  ndiye anayetajwa kuongoza kundi la wasanii wa kike wenye kashfa nyingi zinazohusu mapenzi.

Ini Edo

Inibong Edobong anafahamika zaidi kama Ini Edo. Ini ni miongoni mwa wasanii wa kike Nollywood wanaotisha kwa umaarufu wa kashfa za kimapenzi. Sehemu kubwa ya umaarufu wake si tu kwenye fani bali pia namna anavyojiachia kimapenzi. Ndoa yake na Philip Ehiagwina pia ina doa baada ya kutuhumiwa kuingilia penzi kati ya mwanaume huyo na kimwana, Ruth Okoro. Baada ya kufanikiwa kuwaachanisha, alifunga ndoa na Ehiagwina.  Anaelezwa pia kuwa na uhusiano wa kimapenzi na Gavana wa Jimbo la Kusini na hivi karibuni inadaiwa alikutwa katika klabu moja ya usiku akijiachia.

Tonto Dikeh

Tonto Dikeh ni msanii mtata kupita wote Nollywood. Uzuri wake umewateka wengi tangu alipoibuka kwenye sanaa ya filamu mwaka 2006.

Imeripotiwa kuwa hivi karibuni alikubali ofa ya kulipwa milioni kadhaa ili afanye mapenzi na Mkurugenzi wa Kampuni ya Sifax, Taiwo Afolabi.

Tonto pia ni maarufu kutokana na kujichora tattoo nyingi za kimapenzi mwilini. Watu wa karibu wa kimwana huyo, wanadai ana michoro 57.

Ana jambo jingine. Tonto ni mvutaji mkubwa wa sigara anayemaliza zaidi ya pakti moja kwa siku. Skendo kubwa nyingine aliyowahi kuipata ni kupigana hadharani na msanii mwenzake, Van Vicker, walifanya hivyo wakati wakishuti filamu.

Iyabo Ojo

Iyabo Ojo si msanii unayeweza kushangaa kusikia kaharibu hapa na siku inayofuata sehemu nyingine. Anadaiwa kutoka na mume wa mtu, mwanasiasa maarufu jijini Lagos. Gari la kifahari analotembelea kwa sasa aina ya Range Rover SUV (Special Utility Vehicle) anadaiwa kuhongwa na mwanasiasa huyo.

Alikuwa na ugomvi mkubwa na uliojaa uadui na msanii mwenzake, Lizzy Anjorin, kisa kikielezwa ni kugombea mwanaume. Mbali ya hilo, pia aliwahi kufumwa akifanya mapenzi kwenye gari jijini London.

Funke Akindele

Pengine ndoa yake ya hivi karibuni na Alhaji Kehinde Almaroof Oloyede inaweza kumnusuru Funke na kumwondoa kwenye skendo za ngono. Aliwahi kupigana na msanii mwenzake mwaka juzi, kisa kikiwa kile kile cha kugombea mwanaume. Kwenye ndoa pia hakujatulia, ameolewa kama mke wa tatu na Almaroof. Anatumia mwanya huo kujirusha kwenye majumba ya starehe kama vile hana mume.

Genevieve Nnaji

Genny ametajwa kula raha na wasanii kibao wa Nollywood, miongoni mwao wanaofahamika wazi wazi ni Ramsey Nouah, RMD na Pat Attah.

Kuna wakati aliwahi kutamka kwamba amefanya mapenzi na mwanasiasa mmoja maarufu nchini Nigeria, lakini hakumtaja jina.

Genevieve naye hajakwepa skendo za kimapenzi, kwani mara kwa mara ametajwa kutoka ‘out’ waume za watu ingawa amekuwa akikanusha.

Tayo Odueke (Sikiratu Sindodo)

Jina lake kamili ambalo halijulikani na wengi ni Tayo Odueke, lakini zaidi anafahamika kama Sikiratu Sindodo. Skendo kubwa ya kimapenzi iliyomtingisha ni kudaiwa kutoka na mume wa mtu ambaye ni kiongozi wa Taifa wa Chama cha Wafanyakazi wa Usafirishaji Nigeria (NURTW), Musiliu Akinsanya

Inadaiwa kuwa Akinsanya aliwahi kumgharimia kimwana huyo tiketi ya ndege kwenda Saudi Arabia kushiriki Hija. Pia ametajwa kuwa na uhusiano wa kimapenzi na mtayarishaji Kunle Afod, pia hivi karibuni vyombo vya habari viliripoti uhusiano wake na mdogo wa Kunle Afolayan.

Stella Damasus

Kimwana mrembo na mwenye mvuto Nollywood. Anatuhumiwa kuvunja ndoa ya msanii mwenzake, Doris Simeon na mume wake, Daniel Ademinokan. Stella anadaiwa kuanza uhusiano wa kimapenzi na Daniel kabla hata ya ndoa ya Simeon. Doris alikuwa tayari kupigana na Stella kwa dhamira ya kulipa kisasi cha kunyang’anywa mume. Stella na Daniel wamekataa kuwa na uhusiano wa kimapenzi, lakini bado kuna swali moja linabaki, nalo ni ukaribu wao kupita kiasi. Hiyo peke yake, ni tafsiri tosha kwamba wanaendelea kula raha.

Faithia Balogun

Aliwahi kupigana hadharani na mwanamke mwingine wakimgombea mwanasiasa kutoka Ibadan, Rotimi Ajanaku. Alimtuhumu mwanamke huyo kuingilia penzi lake na hatimaye uhusiano na Ajanaku kuvunjika. Anadaiwa pia kuwa na uhusiano wa kimapenzi na Mkurugenzi wa Corporate Pictures, Alhaji Abdullahi Razak. Uhusiano na tajiri huyo ulibaki nusura kuvunja ndoa. Jambo la kufurahisha ni kwamba, pamoja na kwamba ameachana na mume wake, Saidi Balogun, bado anaendelea kutumia jina la Balogun.

Stephanie Okereke

Stephanie Okereke aliripotiwa kuzichapa ngumi na Genevieve Nnaji baada ya kubaini kuwa Genevieve aliingilia penzi lake na mwanaume mmoja aliyemtambulisha kwake.

Okereke alipandwa na hasira baada ya kusikia Genevieve alionekana nyumbani kwa mwanaume huyo. Kama ilivyo kwa mastaa wengine wa Nollywood, Stephanie naye ana skendo kibao za kimapenzi akituhumiwa kujirusha na mwanaume yeyote atakayemtamani hata bila kutongozwa