RONALDO NI WA SAYARI NYINGINE

Ronaldo

SUPASTAA wa Ureno, Cristiano Ronaldo, juzi Jumamosi alipiga ‘Hat-Trick’ ya 19 kwenye La Liga baada ya kuisambaratisha Real Sociedad na jambo hilo limamfanya kocha wake, Carlo Ancelotti, kukiri mchezaji huyo si wa sayari hii.

Ancelotti alisema Ronaldo ni mchezaji wa kutoka sayari nyingine baada ya kuonyesha kiwango kikubwa na kufunga mara tatu kwenye ushindi wa 5-1.

Mabao mengine ya Real Madrid yalifungwa na straika Mfaransa, Karim Benzema na kiungo Mjerumani, Sami Khedira.

“Kwa sasa Cristiano si wa sayari hii. Anacheza kwa kiwango kikubwa sana na kufunga mabao atakavyo. Ni ngumu kupata maneno ya kumwelezea,” alisema.

Ancelotti aliwasifu nyota wake wengine na kuunga mkono mfumo wake wa kubadili kikosi kila mechi na kudai hilo linatokana na ukweli kuwa wachezaji wake wote wanastahili kuichezea timu hiyo