CARLOS AMPIGIA DEBE RONALDO

Roberto Carlos

STAA wa zamani wa Real Madrid na timu ya taifa ya Brazil, Roberto Carlos amesema anaamini kuwa nyota wa Ureno, Cristiano Ronaldo atawapiku Lionel Messi na Franck Ribery katika tuzo ya Mwanasoka Bora wa Dunia 2013.

Ronaldo amefunga mabao 62 mwaka huu wa 2013 na tayari ndani ya msimu huu ana mabao 24 ingawa ukosefu wa mataji Real Madrid katika msimu wa 2012-13 unahatarisha nafasi yake ya kuchaguliwa katika nafasi hiyo.

Hata hivyo, Carlos amesisitiza kwamba hakuna mchezaji mwingine anayestahili tuzo hiyo zaidi ya Ronaldo mwenye umri wa miaka 28 na ambaye alitwaa tuzo hiyo kwa mara ya mwisho mwaka 2008.

“Cristiano Ronaldo anastahili tuzo ya Mwanasoka Bora wa Dunia. Na nadhani mwaka huu atashinda.

Kitu ambacho Ronaldo anafanya mara nyingi, kufunga mabao, lazima kimletee tuzo. Nadhani atashinda.