Arsene Wenger amtaja Ronaldo kuwa bora

Arsene wenger

LONDON, ENGLAND

KOCHA, Arsene Wenger, ameingilia mjadala wa mchezaji gani bora duniani kwa sasa na bila ya kigugumizi Mfaransa huyo anasema Cristiano Ronaldo ndiye bora kuliko Lionel Messi.

Bosi huyo wa Arsenal alisema hayo wakati alipokuwa akijibu maswali ya mashabiki wake kupitia ukurasa wa Twitter wa klabu hiyo ya London juu ya hali ya sasa kwamba ni mchezaji gani bora kati ya Ronaldo na Messi.

Mjadala wa Ronaldo na Messi nani bora ukiwa umehusisha wengi akiwamo mcheza sinema mashuhuri, Arnold Schwarzenegger, lakini sasa Wenger amekubali hadharani kwamba Mreno ndiye bora mbele ya staa huyo wa Argentina.

Ronaldo kwa wakati huu anapewa sifa za kuwa kwenye ubora wa aina yake ukilinganisha na kiwango cha mpinzani wake huyo ambaye kwa sasa anasumbuliwa na tatizo la majeraha.

Kwenye mechi 18 za klabu na timu ya taifa mwaka huu, Ronaldo amefunga mabao 25, wakati Messi amefunga mabao 14 kwenye mechi 16