KOCHA, Jose Mourinho, amefichua kwamba hakurithi mikoba ya Sir Alex Ferguson klabuni Manchester United kwa sababu Mskochi huyo alifahamu kuwa malengo yake ni kurudi Stamford Bridge kuinoa Chelsea na si klabu nyingine.
Mourinho alisema hayo akijibu swali aliloulizwa kwanini hakuchangamkia kibarua cha kuinoa Man United baada ya Ferguson kutangaza kung’atuka mwaka jana.
“Nilizungumza na Sir Alex wakati Real Madrid ilipoitupa nje ya Ligi ya Mabingwa Ulaya Man United msimu uliopita na nilimwambia Chelsea ndiyo timu ninayoitaka. Huo ndiyo mwelekeo wangu ulivyokuwa.
“Kila mtu alifahamu kwamba Benitez (Rafa) alikuwa anabaki, kila mtu alikuwa anafahamu pia uhusiano wangu na klabu ya Chelsea.”
Mourinho alitua Chelsea na mikoba ya Ferguson ilirithiwa na David Moyes.
No comments:
Post a Comment